قناة الفتة الفضائية ترحب بكم

هو صحيح أنا مش خريجة إعلام

لكن ما فيش حاجة مستحيلة صح؟؟

ممكن أكون دكتورة مشهورة

بس أنا مش عاجباني الحكاية دي لأني بحب الفتة علشان الريجيم والرشاقة والشياكة والأناقة ؟؟؟

اللي يحب يسجل معانا يتفضل .

دلوقتي أعزائي المشاهدين سنشاهد معا

أحد برامج التوك شو على قناة الفتة الفضائية

 

هذه الحلقة من إعداد وتقديم الإعلامية المتألقة  مجانينوووووووووووو

 

والآن مع أولى فقراتنا وهي قراءة سريعة في صحافتنا اليوم

 

الفتة الفتة الفتة !!!!!

الفتة إن كانت للملهوف وحاسة شمه عارفها ألوف يا حلاوته

مجانينو عزماكم على فتة مصري بالخل والتوم

شيف مجانينو اتعلمت الفتة من الصحافة المصرية

أكتبوا معايا الطريقة ؟

الخلطة مجموعة من الفضائح حتى ولو وهمية .

2 كوب شطة .

زجاجة خل .

لفة رقاق بديل لورق الجرائد .

لكن في الأول هاقدم لكم بروفة بورق الجرائد علشان يبقى كلام جرايد بجد

جريدة الفتيتة العدد الأول :

المانشيت الرئيسي لجريدتنا العريقة

اليوم أسود والمستقبل أكثر سوادا ؟؟؟؟    

 

أيامكم تتشح بالسواد لا أمل ولا عمل

لا وطن ولا حياة أسوة بجريدة الوفد المصرية ؟؟؟

قرأت هذا المانشيت في أحد أعداد جريدة الوفد المصرية

تخيلوا ؟؟؟؟

الطبق الثاني فتة جمبري :-

2 - جريدة الدستور غنية عن التعريف وأكيد معظمكم عارف أسلوبها فلان عنده إسهال وفلان قام بفعل فاضح في الطريق العام حتى لو  لم يفعل هو فعل علشان نبيع أصل مجتمعنا يحب ثقافة الفضيحة ولازم نبيع حتى ولو نص الكمية ؟؟؟

 

3 - المس والجن والسحر مانشيت رقم 2 لجريدة حديثة في عددها الأول

لأن الستات مغرمة بالدجل والشعوذة يا عم  - بلا حاسب آلي بلا قرف نطلع الجن الأول في 2007  العالم وصل القمر وبعض الصحف تباع لأنها بتتكلم عن الجن ؟؟

 

4 – مانشيت لجريدة الجرائد الحديثة :

فنانة مشهورة تتزوج من زوج صديقتها

5 – مانشيت رقم خمسة :-

مصر أصبحت في مزيلة التاريخ؟؟؟؟

لا والف لا طبعا مصر حبيبة القلب أم الحضارة ( مصر عجيبة العجائب وأم الدنيا  رغم أنفكم )

6 -  مانشيت رقم 6 :-

خرج شعب مصر في إضراب عام احتجاجا على بيع قناة السويس

الولد عبد العال كان نايم وشاف خير اللهم اجعله خير إن قناة السويس اتباعت والملك فاروق  رجع

ونبيل شرف الدين بيقول إن كرامة المواطن في عودة الباشا .

 

وأخيرا المواطن مصري  أصيب بالقئ والإسهال من هول ما يقرأ ويسمع ويرى في الصحف وعلى  الفضائيات ؟؟؟ عنده حق ما هي الجرائد كثرت جدا .

الصحافة تتخبط مع ( 2 سنتيمتر ديمقراطية ) طيب لو ديمقراطية أكبر شوية هايقتلونا ويقولوا دي أبسط حقوق الإنسان والديمقراطية ؟؟ملعونة الديمقراطية  ؟؟؟؟

الديمقراطية يستحقها شعب وكتاب لديهم مبادئ وخلق أما نحن كصحافة مصرية فغير جديرين بها لازم نتعلم الأول آداب الحوار والنقد ولكن بشرف .

حرام عليكم اتقوا الله فينا احنا بنعمل فتة على خروف العيد لكن فتتكم مسمومة وملوثة بالرصاص كلماتكم سيحاسبكم عليها التاريخ  فالكلمة رسالة وأمانة ؟؟

 

أحلى طبق فتة رئيسي على المائدة :-

هو إن عمي عوض عنده حظيرة فاضية

هايتم إخلاءها من المواشي ويبيع فدانين أرض  ويشتري آلات وأدوات تشغيل وبث قناة فضائية أصله اكتشف فجأة إنه مثقف دينيا  ومن حقه الفتوى وكمان الفضائيات دلوقتي استثمار مية مية في الفن الاستعراضي والفتاوى مش محلات الاتصالات !!!

عاوزين فلوس يا عالم وبعدين الناس مش عارفة تتثقف إزاي إلا القليل منهم كل الحكاية جلباب وسروال وشوية شعر مثلما حدث في محطات الغربية ؟؟؟

 

البنت قالت أتصل على الهوا

 

 

ببرنامج عوض كالماء والهواء

ورسم كاريكاتيري مني للبرنامج

 

ألوا يا عم الشيخ عوض :-

أنا بحبك في الله والله العظيم

الشيخ عوض بارك الله فيكي

البنت : أنا شفت حلم وعاوزة أتبارك بتفسيرك

 الشيخ :- اتفضلي ::

 

شفت خير إني ماشية وشايلة ريشة على راسي كل ما هشها ترجع تاني حتى لو اخذت ديلي في أسناني ومرة تلمس عيني ومرة تدخل في وداني  يبقى إييييييييه ؟؟؟

الشيخ قولي لي هل انت متزوجة

البنت :: لا يا شيخ عوض

الشيخ عوض ستتزوجي الريشة هي العريس  والله  أعلى أعلم ؟؟؟

 

واتصل أحد المشاهدين فقال :-والأزهر  أين ذهب يا شيخ عوض الرحمة ارحم نفسك أولا  فسيحاسبك المولى اتقوا الله في مصر الحبيبة  ؟؟؟؟

 

الشيخ عوض :

الأزهر مكانه أعتقد أنه لم يتم نقله هو في مدينة القاهرة  ممكن تأخذ عنوانه من الاستعلامات . وبعدين هو انت بتسأل ليه . هو حد تايه عن مكان مشيخة الأزهر ما أنتم اللي غاوين اتصال وأنا ماضربتش حد على إيده ؟؟؟؟

 

اتصال آخر

مساء الخير ياشيخ عوض  أنت حبيبنا وغالي علينا

الشيخ عوض :- بارك الله فيكي

السيدة :- الله يبارك فيك ممكن اسأل

الشيخ اتفضلي أنا كل يوم ببقى جعانة وكل ما أجوع أسرق فرخة من على سطح الجيران واقوم بطهيها  ومعها فتة بالخل والتوم  بس ببقى جعانة ياترى ده حلال ولا حرام

الشيخ عوض :

يا سيدتي الفتوى واضحة وصريحة  إذا كنت كل يوم تشعرين بالجوع فلا بأس من السرقة  لأن جارتك كان يجب عليها أن تطهو الفرخة  وتدق بابك وتسد جوعتك وإلا فكيف تمتلك فرخة وأنت لا ؟؟ فلا تشغلي بالك فهي حلال حلال حلال إنها فرخة  فقط لاغير المهم ألا تكوني جوعانة ؟؟؟؟

السيدة طيب ممكن سؤال تاني

اتفضلي

جوزي استنفذ الثلاث طلقات وحتة

وعاوزة محلل ممكن

الشيخ قوي قوي أنا جاهز

ههههههههههههههههههه

ما هو عصر فضائيات  بقى !!!!!

 

سمعتوا آخر خبر ؟؟

الرقاصة والفنانة الكبير سوزي هاتعتزل الرقص وتلبس حجاب  وسوف تقدم على قناة الفتة سلسلة من البرامج الدينية

هو مش بردو التوبة في القلب!!!

سبحان الله الدنيا اتقدمتفعلا؟؟

  ولا هانكمل الحياة تمثيل في تمثيل ؟؟؟

 بقت موضة كل اللي تعتزل في انتظارها برنامج ديني على الفضائيات سبحان الله

 

حسبي الله ونعم الوكيل

إحنا طبعا عندنا الأزهر واللي احنا كتبناه ده وصف كوميدي  لأشياء تحدث ربما في الخفاء  ولا نستطيع الجزم بأنها ظاهرة عامة ولكنها موجودة ولو قليلة

يا ريت بقى نشغل عقلنا شوية

 الأزهر مفتوح إلى كل بنت أو رجل أو سيدة لجان الفتوى منتشرة على مستوى محافظات الجمهورية بها خيرة من علماء الأزهر ومجانا وقد ذهبت إليها بالفعل فاحذروا فتوى الفضائيات المجهولة

وابعدوا عن الشيخ عوض باشا

والشيخة سوزي

 

ههههههههههههههه

 

ودلوقتي إيه رأيكم  في أكلتي هل أنا أتقن عمل الفتة ؟؟؟؟

 

 

العزومة القادمة هي الباذنجان فانتزظرونا

حيث أننا نعشق الفضائح في الدول العربية اللي عنده شوية شباب يحضرهم  ويتبرع بغرفة لمدة ساعتين ويحضر سلكين  هانعمل حلقة متفبركة تجيب الدولة دي الأرض  بس طولوا بالكم ؟؟؟ على فكرة عرفوهم إن ميزانيتنا كبيرة وكل ما تشتم بلدك أكثر ستحصل على مبلغ أكبر  ؟؟؟؟؟ أبناءها هم من سوف يدمرونها بأنفسهم واحنا مش خسرانين حاجة ؟؟؟ سمعوا المجنون طار في الخبر لا يعقل ولا يستنى

وشكرا على متابعتكم قناة الفتة الفضائية مع تحيات كل فريق العمل

 

وتحياتي أنا مجانينووووووووووووووو

 

 

 

 

 

ملحوظة

الموضوع هو نقد ساخر وليس موجها لاحد بعينه مجرد عرض مقال بالعامية ساخر وناقد لواقعنا العربي وليس مهاجمة لأحد فهي حالات موجودة بالفعل  ولكن الطرح غير موجه لجهة معينة على الإطلاق .